A loita polos dereitos das mulleres

O uso por xéneros dos espazos comúns do instituto

Como se sabe, os comportamentos sexistas abundan en todos os lados, incluído o noso centro. Así que na materia de Igualdade de Xénero de 1º ESO planeámonos observar e analizar como se distribúe durante os recreos o uso das zonas comúns do instituto segundo os sexos ou xéneros, coa pretensión de comprobar se existe algún tipo de machismo.

Organizámonos en tres equipos e repartimos os espazos comúns do instituto para realizar as nosas observacións durante os recreos de varios días.

·         Aquí comeza o resultado da nosa investigación:

- No uso dos dous soportais de entrada ao edificio principal están ao 70% os homes fronte ao 30% de mulleres. Aínda que nas escaleiras principais dianteiras o uso está bastante equilibrado (50 % nenos 50 % nenas)

Por certo, imos contarvos unha anécdota que nos pasou no soportal de atrás: un rapaz de segundo de bacharelato botounos de onda a mesa verde así sen máis, coa escusa de que Hulk (que é como lle chaman á mesa verde de tenis de mesa) era deles. Ignoramos se molestamos por ser rapazas ou por sermos de primeiro de ESO, ou polas dúas cousas.

- Nas escaleiras do lado da conserxaría so hai un 40 % de nenas e un 60 % nenos.

- Nas escaleiras do lado da cafetaría (o pasillo) predomina un 70 % de nenos fronte a un 30% nenas.

- Nas escaleiras da saída ao xardín que hai onda a cafetaría tamén destaca un 80 % de nenos fronte ao 20 % de nenas.

- Nas escaleiras situadas en fronte da aula de volume hai un 70 % de nenas e un 30 % de nenos.

- Nas escaleiras de acceso ao pavillón so atopamos nenos e ningunha rapaza.

- Nas pistas encontramos máis rapaces que rapazas. Os rapaces suman ata un 95% e as rapazas tan so un 5%. Mentres os rapaces xogan, as rapazas están de espectadoras pero non son as súas mozas.

- No pavillón grande normalmente non hai rapazas, nin como espectadoras nin xogando.

- No aparcamento durante o inverno, non hai rapazas nin rapaces.

·         Na planta baixa esta é a situación:

- Na conserxaría o persoal está equilibrado porque hai un home e unha muller.

- Na cafetería no momento do recreo, visualizamos un 60% de homes, e un 40% de mulleres (claro, que depende algo do momento e do día), sen contar que a encargada e todas as camareiras son mulleres excepto un home.

- Na biblioteca vimos un 55% mulleres e un 45% homes(pero tamén pode variar algo dependendo do momento e do día). O uso dos ordenadores é demandado só por rapaces e o mesmo sucede cos xogos de xadrez. As profesoras de garda sempre son mulleres.

- Nas escaleiras para subir desde a primeira planta á segunda onde están as aulas de bacharelato, atopamos nunha delas só nenas mentres que na outra había un 50 % de nenos e un 50 % de nenas.

- Nos corredores das aulas de segundo de bacharelato e ESO había un 50% de rapazas e outro 50% de rapaces.

·         En conclusión:

A biblioteca, a cafetaría e a planta baixa polo normal están aproximadamente ocupadas por un 60% de homes, e 40% de mulleres.

Nos soportais, tanto no de diante como no de atrás, confírmase que os desfrutan maioritariamente os homes, chegando ata arredor dun 85%.

Dentro do instituto, nas escaleiras principais ás entradas dos recreos e mesmo á entrada da primeira hora so adoita haber homes; en cambio, nas escaleiras da primeira planta, xa se observa unha presencia de rapazas e rapaces máis repartida. Nos corredores predominan claramente as mulleres.

E así finaliza o produto das nosas observacións, se queredes vós tamén podedes facer as vosas observacións nos vosos colexios, lugares de traballo, institutos, universidades...